Nicola Palladino - Le poesie

‘A reijecèlle

 

-

Ce sta nu viche stritte,

pe mmizz’i case d’u paèse vicchie:

‘u sole, ch’i ragge, n’u retrove

‘a lune, che l’ombre‘u fa chiù scure…

Camine zennianne mure e mure,

( a malapena ce trasce nu’ sespire),

quatte passe, e sti dall’ata parte!

Tutte Tèrmele ‘na vote c’é trasciute:

o da criature, pazzianne’a cove,

o quante ‘n core ardève ‘a gioventù…

Lli sère de virne,

quante forte ferrave ‘u maistrale,

sotte Natale,

( i lampione tremavene p’u fridde!),

a core a core che ‘na nnammurate

‘a scusa bbone jève quella llà:

- Passàme p’ ècch’ addint, ch’é chiù calle,

damme ‘a mane Marì… -

E just’ammizze, proprie all’antrasàtte,

ch’a scuse de sapè se tè paure

nu vasce ce scappave… Belli timpe!

‘A stradarèlle è ancore sèmpre quélle,

ma se ce passe,‘nce sta cchiù ‘u profùme

de chilli sère frédde e benedétte…

Marì ‘a cagnate strade,

‘so passate tant’anne!

Adesso la chiamano signora,

è respettate, mamme de famije,

non so se si ricorda ancora…

A mè me pare aijre:

‘llu recorde‘nnucente de guaijone,

m’é remaste ‘nd’u core,

e vole ancore, come ‘na ciamarèlle:

Tèrmele, u prim’ammore e a reijecèlle!

 

 

foto di antonio campese